Ang kagamhanang probinsyal pinangulohan ni Gob. Arthur Yap milusad sa cash-for-work program nga gipatuman ubos sa opisina sa Provincial Agriculturist.
Ang probinsya migahin ug P2 milyones gikan sa calamity fund sa 2019, pinaagi sa Provincial Disaster Risk Reduction and Management Office (PDRMMO).Ang tumong mao ang pagtrabaho, pag-ayo ug paghiuli sa mga community irrigation system.
Ang mga benepisaryo ubos sa maong program mao ang mga obrero nga nawad-an ug trabaho tungod sa Covid 19 nga kinahanglan muondang sa ilang gitrabaho-an aron mapugngan ang pagkuyanap sa mananakod nga sakit.
Ubos sa maong programa, ang nangapil mo hinlo sa mga irrigation canal, pagpahiuli, pag-ayo ug pagpabalik sa mga porma sa kanal, ug pagkubkub sa mga nangmabaw na nga mga kanal.
Unang gibisita ni Gob. Yap ang mga maguuma sa mga lungsod sa Lila, Dimiao, ug Valencia. Sa barangay Lomanoy, Lila, ang mga maguuma naghinlo ug nagpalawom sa canal waterways nga midagayday ang tubig gikan sa Catugasan Communal Irrigation System (CIS). Ang kinatibuk-ang CIS mikabat ug 35 ka ektarya nga milukop gikan sa Catugasan-Lomanoy-Tiguis.
Sa Dimiao, ang mga maguuma mihinlo ug mi kubkub sa irrigation canals sa Korimo CIS nga mikabat ug 19.5 ka ektarya.
Sa Valencia, si Gob. Art mibisita sa Simang Balingasaw nga adunay 120 ka ektarya ug ang Monia CIS nga mi silbi ug 172 ka ektarya.
Sa ikaduhang hugna nga kalihukan sa pakigbatok sa Covid-era sa pagpangandam sa kasiguruan sa pagkaon ang kagamhanang probinsyal nga mao ang “cash-for-work program’, gibanabana dul-an sa 200 ka katawhan moapil nga maoy maglangkob sa laing hugna sa trabaho sugod karong Lunes, Mayo 18.
Dili pa lang dugay, subra sa 300 ka mga tawo ang miapil sa unang grupo ug naka human sa 10-ka adlaw nga pagtrabaho.
Si Gob. Art Yap mi bisita sa ‘communal irrigation systems’ (CIS) sa San Roque Irrigators’ Service Association (SARISA) sa barangay San Roque, Talibon, Cawasan CIS sa barangay San Isidro, Trinidad, San Miguel CIS sa barangay San Jose, San Miguel, ug San Vicente CIS sa barangay San Vicente, Dagohoy nga maoy naglangkob sa unang hugna nga gitrabaho. Ang gobernador mibista usab sa mga benepisaryo sa mga barangay sa Jimilian ug Gotozon sa Loboc, ug ang barangay sa Yanaya, Bilar. (Gikan sa Gob. Art Yap Facebook page)