Mga kaigsuonang Bol-anon,
Karong hapon gipahibaw ta ni Dr. Mutya Macuno, ang hospital Chief sa Gallares hospital, nga dunay pasyente nga nagpositibo sa RT-PCR Test. Ang pasyente namatay sa unang adlaw sa admission apan ganiha lang niabot ang resulta sa iyang PCR Test. Ug laing usa ka pasyente nga taga Tagbilaran ang nagpositibo pud sa PCR Test. Ang maong pasyente nagpabilin nga gi-isolate sa Hospital karon.
Base sa statement sa Gallares Hospital, ang DOH naghimo na ug contact tracing sa first and second generation sa naka close contact sa pasyente. Ato na usab gitahasan ang PHO nga motabang sa contact tracing base sa atong protocols nga dugay na natong gi-andam, gisunod ug gipatuman.
Maghinaut ko sa inyong makanunayong kooperasyon ug suporta. Protektahan nato ang atong kaugalingon ug atong pamilya pinaagi sa pagsunod sa simpleng mando sa social distancing, pagsul-ob ug facemask ug baton sa kalimpyo. Maghugop ta sa pag-ampo nga unta ang Labawng Makagagahum magapanalipod kanato ug luwason kita Niya batok sa COVID-19.
Daghang salamat. God save Bohol.