AT 62
62 ka tuig nga naglatagaw ning kalibotan,
Gibaklay ang mga liko-likong dalan,
Nangitag ting-usbawan ug katagbawan,
Ang Ginoo may akong nakit-an.
Daghan bugno sa kinabuhi ang naagi-an,
Bugno sa katarong batok sa kada-utan,
Bugno sa kalampusan batok kapakyasan,
Bugno sa gugma ang sentro ug subok ni-ining tanan.
Diha sa lapad nga kapatagan,
Matahum nga binuhat akong nakaplagan,
Milihay sa dihang akong gidaygan,
Apan mas tulin ang pana ni Kupido nga milahos sa iyang dughan.
Gitukod ang tigbayon sa gugma,
Gihaligi-an sa tim-os nga pag-alima,
Gi-aptan sa hugot nga pangaliya,
Binhi sa gugma milipang ug namunga.
62 uban sa yano kong pamilya,
Pamilya nga hinatag Mo isip bililhong gasa,
Lig-ona ug pun-a kini sa Imong grasya,
Ug pandongi sa makabuhong Mong pag-amuma.
053120