June 12, 2020
Mga kaigsoonang Bol-anon, duyog sa atong nasudnong pangagamhanan, mga opisyales sa atong lalawigan, ug mga katawhan, tugoti ako nga mupahalipay ug mutimbaya sa atong mga kaigsoonan atol sa kasaulogan sa ika-122 nga tuig sa kaugalingnan ug kagawasan isip usa ka republika.
Dili nato hikalimtan ang atong mga bayani nga naghalad sa ilang kinabuhi ug dugo alang sa mahal natong nasud nga Pilipinas.
Karon aduna kita’y daghan nga gisagubang nga mga hagit tungod sa pandemya sa Coronavirus-19.
Atong padayonon ang atong mga pag-ampo alang sa mga tao nga naghatag og sakripisyo aron kita malikay sa kadaot. Padayonon nato ang pagsunod sa mga lagda nga gilatid sa atong pangagamhanan aron malikayan nato ang sakit.
Padayonon nato ang pagtinabangay ug labaw sa tanan, padayonon nato ang atong mga pag-ampo sa Labaw’ng Makagagahum sa dugang pang mga grasya nga muabot sa umaabot pang mga tuig.
Have a meaningful commemoration of this very significant part of the history of our country. Happy Independence Day!
Kaninyo matinahuron,
Sgd.
Edgar M. Chatto