Ang moderno ug bag-ong natapos nga Alicia Municipal Fire Station gisubhan ug andam na magamit sa mga bombero sa lungsod sa Alicia.
Kini maoy gipamatud-an ni Fire Major Raul Bustaliño, ang Acting Provincial Fire Marshall sa Bureau of Fire Protection (BFP) – Bohol atol sa pakighinaabi sa DyTR news.
Matod ni Bustaliño usa ka yanong kalihokan ang pagbendisyon ang gihimo kaniadtong Lunes sa bag-ong Alicia Municipal Fire Station nahimutang sa barangay Poblacion.
Gitambongan kini sa mga opisyal sa maong lungsod nga gipangulohan ni Mayor Victoriano C. Torres III ug Vice-Mayor Marnilou Ayuban, mga kawani sa BFP Alicia ug Office of the Provincial Fire Marshall.
Gigastohan ang Alicia Municipal Fire Station og P7.3 milyones gikan sa BFP nga gitukod sa lote nga gidonar sa kagamhanang lokal sa Alicia, Bohol.
Gitataw ni Bustaliño nga gisunod sa BFP ug kagamhanang lokal ang mga health protocols batok Covid-19 atol sa pagsubo sa bag-ong municipal fire station.DR