Bohol Provincial Police Office (BPPO) nagpadayon sa “Libreng Sakay” ngadto sa mga residente ug mananakay dinhe sa Bohol.
Nakahimo na ug 2,973 ka biyahe ang mga patrol cars sa mga police station dinhe sa Bohol nga niabag sa mga commuters ug resident alang sa PNP Libreng Sakay program.
Kini maoy ulahing talaan sa BPPO Police Community Relations Office hangtod Hunyo 5, 2020.
Ang mga municipal ug ang city police station dinhe sa Bohol nagtanyag sa Libreng Sakay nga gimando ni PNP Chief General Archie Gamboa alang sa mga PNP stations sa tibook Pilipinas.
Mao kini abag sa publiko aron makatabang sa solusyon alang sa kakuwang sa transportasyon sa mga probinsya ilabina nga padayon ang no back riding policy ug wala pa gyod matugoti ug makaboylo ang tanang public transportation niining General Community Quarantine batok Covi-19.
Samtang sa laing bahin, ang Bohol PPO nakahimo na og P1.6 Million alang sa relief efforts niini sa mga naapektohan sa Covid-19 pandemic dinhe sa Bohol.
Mikabat na sa P1,661,692.00 ang kinatibuk-ang kantidad sa relief goods ang nahatag sa mga police sa Bohol sa mga pamilya nga naapektohan sa krisis nunot sa Covid-19.
Nakadawat sa relief efforts mao ang 4,224 ka indigent nga pamilya diin 15,193 kining tanan mga individual ug 4,324 ang ihap sa relief goods ang nahatag ngadto sa apektadong pamilya sa mga lungsod sa Bohol.
Moabot kini og P495,751,00 ang estimated cost matag relief goods per pack ang nahatag sa Bohol police.
Ang relief operations gihinganlan sa PNP nga “Kapwa Ko, Sagot Ko” nga matag municipal police station ug ang city police station moabag sa mga pamilya nga apektado sa krisis sa Covid-19 didto sa ilang tagsa-tagsa ka dapit. DR