Bohol governor Art Yap is announcing two (2) additional Locally Stranded Boholanos (SLIs) who tested positive for Covid 19.
The complete text of the announcement of the governor is this:
“Maayong gabie, Bohol.
Nakadawat ta ug report gikan sa DOH karong gabie nga adunay duha ka LSI ang nagpositibo sa PCR Test. Usa taga Balilihan ug laing usa taga Sagbayan. Nagpabilin nga gi-isolate sila karon didto sa ilang mga lungsod. Atong gitahasan ang PHO nga motabang sa contact tracing ug makig-alayon sa MHOs sa matag lungsod.
Dili ta angay mahadlok tungod kay naka-isolate ug gikwarantina na daan ang nagpositibo didto sa quarantine facility sa ilang tagsa-tagsa ka mga lungsod sukad sa ilang pag-abot dinhi sa atong lalawigan. Ato na usab gipahibaw ang tagsa-tagsa ka Mayor sa resulta ug magpaabot ta ug dugang updates gikan nila.
Balik-balikon nako ang pahinumdom ug awhag nga atong sundon ang mga mando kabahin sa social distancing, pagsul-ob sa facemask ug pagbaton sa kalimpyo.
Magtinabangay ta. Ampingan ug protektahan nato ang atong kaugalingon ug atong pamilya.
Daghang salamat sa inyong makanunayong suporta ug kooperasyon. God save Bohol.”
(Sgd.)
Arthur C. Yap