Maayong gabie, Bohol!
Nakadawat ta ug report gikan sa DOH nga adunay duha ka LSI nga nagpositibo sa PCR test. Ang usa taga Dauis samtang ang laing usa taga Loboc. Kining duha ka LSI gikan sa Cebu. Nagpabilin sila nga gi-isolate hangtod karong panahona sukad pa sa ilang pag-abot sa atong lalawigan.
Atong gitahasan ang PHO nga makig-alayon sa mga MHO sa matag lungsod para sa pagpahigayon sa contact tracing. Ato na usab gipahibaw ang mga Mayor sa matag lungsod ug magpaabot ta sa dugang updates gikan nila.
Awhagon nato ang tanan nga magpabilin kitang mabinantayon sa atong komunidad. Ang atong pagsunod sa minimum health standards sama sa social distancing, pagsul-ob ug face mask ug ang pagpanglimpyo sa atong palibot maoy makahatag nato ug dugang proteksyon batok sa kagaw. Responsibilidad natong tanan ang paglikay nga matakbuyan kita sa sakit.
Ang atong pagtinabangay maoy makahatag ug dugang kadasig nga atong mapildi ang hulga sa COVID-19.
Daghang salamat sa inyong makanunayong kooperasyon ug suporta. God save Bohol.