Ni Elvira Bongosia, PIA
Nipasidaan ang Department of Education (DepEd) sa publiko kalabot sa mga outdated ug unaccredited learning materials nga gibaligya online.
Gitambagan sa DepEd ang publiko nga magbinantayon sa mga link nga nagsulod og mga learning materials ug modules nga matud pa gikan sa DepEd ug DepEd Commons.
Kini tungod kay gawas sa dili otorisado, daan usab ang uban niini.
Aron makasiguro sa source, gitambagan ang publiko sa pag-adto sa DepEd learning resource portal nga http://lrmds.deped.gov.ph/ ug DepEd Commons http://www.commons.deped.gov.ph aron ma-download og libre ang mga learning materials nga otorisado ug sigurado sa DepEd ang kalidad.
Gi-awhag usab sa buhatan nga isumbong sa action@deped/gov.ph ang mga dili otorisadong paagi sa pagbaligya o pagpanghatag og learning materials sa mga tunghaan. (ecb/PIA7-Bohol)