By Elvira Bongosia, PIA
Gipahibalo sa Professional Regulation Commission (PRC) ang pag-oktaba sa mga licensure examinations nga gitakda unta gikan Hunyo hangtod Agosto ning tuig.
Sa public advisory nga gipagawas sa PRC, himuon na lamang ang mga pasulit sa sunod tuig.
Kini matud pa aron makalikay na usab sa pagkuyanap sa coronavirus disease 2019 (COVID-19).
Apil sa mga suspendidong licensure examinations mao ang environmental planners, guidance counselors, interior designers, landscape architects, mining engineers, nutritionist-dietitians, psychologist, psychometricians.
Gawas pa kini sa board exam alang sa social workers, veterinarians, master plumbers, mechanical engineers, certified plant mechanics, medical technologists, occupational therapists, physical therapists ug sanitary engineers.
Gitambagan sa PRC ang mga mokuha og pasulit nga regular nga i-check ang ilang website ug official social media accounts alang sa pahibalo sa bag-ong petsa sa mga nahisgotang licensure examinations. (ecb/PIA7-Bohol)