ADIOS and GOODBYE
Adios and goodbye sa tanang nangamatay,
Pulong nga gilitok sa hilom kay dili kaadto sa lamay,
Pulong sa kamingaw og pangindahay,
Sakit paminawon sa gitalikdang banay.
Kalit kaayo ang mga panghitabo,
Sa mga hingtungdan among pahasubo,
Ang pagbangotan dili gayod matago,
Magpa-agas nalang sa luha aron maanod ang kasubo.
Kon tawgon na kita ni Kamatayon,
Walay tigulang walay batan-on,
Bisan supak kini sa atong kabubot-on,
Pilit natong sundon, dawaton ug tumanon.
Sa mga natundang pamilya,
Inaya-naya ang kaugalingon hinonoa kini dawata,
Sayre nga ang kalag sa mitaliwan milukso sa tumang kamaya,
Kay naka-uli na sila balik ngadto Kaniya ang matuod nga Tag-iya.
Sis Mariz, bro Neil, bro Nap, bro Peter, bro Rene, bro Rey and bro Luthan,
Adios and goobye kaninyong tanan,
Padayon sa panaw ngadto sa kahitas-an,
Di-in lonlong kalipay ug kalinaw ang matagamtaman.
070420