By Elvira Bongosia, PIA
TAGBILARAN CITY, (PIA) — Giangkon sa Department of Health (DOH) nga posibleng tungod usab sa dili saktong pagsunod sa ‘minimum health standard’ sa publiko mao nga padayon ang pagsaka sa gidaghanon sa kaso sa coronavirus disease (COVID) 19 sa nasod.
Niadtong Domingo, Hulyo 5, nakatala og 2,434 ka mga bag-ong kaso sa COVID-19 ug matud pa sa DOH, mahimong resulta kini sa nidaghang close contact sa mga nag-positibo tungod sa pagluag sa quarantine measures.
“Napaka-importante ng role ng bawat individuals ngayon, because if only they would do the preventive measures that we always emphasize, sana makaka-stop yan ng transmission,” matud pa ni Health Usec. Maria Rosario Vergeire.
“And we are seeing community transmission kasi so it’s very important na ma-emphasize natin itong minimum health standards, yung individuals role in this battle against COVID,” dugang pa ni Vergeire.
Gawas sa publiko, gipahinumdom usab sa DOH nga may responsibilidad usab ang mga nagbukas nga mga establisyemento ug mga kompanya sa pagpatuman sa mga lagda sa health protocols.
“As we see the rise in cases in the past days, kailangan lahat, should be very well aware of these minimum health standard that we need to enforce,” panapos nga pahayag ni Vergeire.
Apil sa ‘minimum health standards’ sigun sa DOH mao ang kinahanglang pagsunod sa physical distancing, paghugas kanunay ug pag-disinfect sa mga kamot ug pagbaton og thermal scanner aron ma-check kun taas ang temperatura sa lawas sa tawo. (ecb/PIA7-Bohol)