Ni Elvira Bongosia, PIA
Gusto ni Presidente Rodrigo Duterte nga mas estrikto ang mga lokal nga kagamhanan ug ang Philippine National Police (PNP) sa pagpatuman sa mandatory nga pagpasuot og face mask.
Kini human nadismaya ang presidente sa performance sa ubang mga mayor sa pagpatuman sa mga sumbanan aron malikayan ang pagkuyanap sa coronavirus disease (COVID) 2019.
Sa gipahigayong pulong ni Duterte sa Inter-Agency Task Force on Emerging Infectious Diseases (IATF-EID) Martes sa buntag, gisugyot niini sa Department of the Interior and Local Government (DILG) nga ipatawag ang mga lokal nga opisyal nga kulang ang performance sa pagpatuman sa quarantine restrictions.
Matud pa sa Presidente nga karon adunay pandemya, makonsiderar nga seryosong krimen ang dili pagsuot og face mask ug dili pagsunod sa uban pang quarantine restrictions.
Giingong dili angay magduha-duha ang mga otoridad sa pag-aresto sa mga mosupak sa quarantine protocols.
Matud pa ni Duterte, angay arestohon ang mga wala nagsuot og face mask tungod kay kun madala sila sa presohan, motagam na o maleksyonan kini.
“Kaya we will not have any qualms in arresting people, it might under ordinary times so, hulihin talaga. A little shame would put them on notice forever, sino ba namang gusto na mahuli ka but if you are brought to the police station and detained there that would give you a lesson for all time,” (Mao nga wla kita pagduhaduha pa nga manakop sa mga tawo, kon nia pa kita sa ordinaryo nga panahon [mahimong dili ra], mao nga dakpon gyud. Pakauwawan og dyutay aron magtamud. Kinsa ba guy gusto madakpan, apan kon dad-on na sa estasyon ug ikabalhog, mahatagan gyud og leksyon, matud pa ni Duterte.
Samtang gibutyag ni DILG Kalihim Eduardo Año nga sa pulong nila niadtong Lunes sa buntag, Hulyo 20 sa mga lokal nga opisyal, daghan ang nasabotan apil na ang himuong uniform o pareho ang silot sa mga mosupak sa quarantine protocols. (ecb/PIA7-Bohol)