Ang Department of the Interior and Local Government (DILG) Secretary Eduardo Año ug and Department of Tourism (DOT) Secretary Bernadette Puyat mi-inspeksyon sa dapit sa Alona Beach, Tawala, Panglao ni-adtong Sabado.
Gihimo ni Año ug ni Puyat ang linawas nga inspeksyon sa Alona Beach sa may mga pasado alas 10 sa buntag niadtong Agosto 1, 2020. Atong mahinumduman nga ang Alona Beach usa sa pinakalabing bantugan nga “tourist destination” sa tibuok Pilipinas.
Sa ilang pagbisita sa Alona Beach, and duha ka kalihim gikuyogan nila ni Governor Art Yap, Panglao Mayor Leonila Montero, ug lokal nga mga opisyales sa Panglao.
Gisusi sa mga kalihim ug uban pang mga opisyales ang kasamtangang kahimtang sa Alona Beach nga dunay gisugyot nga “rehabilitation plan” gumikan kay susama nga nakan-an ang bas niini. Gusto sa mga opisyales nga paninduton pa gyud ang dapit sa Alona sa lungsod sa Panglao.
Gisusi usab ni Año ug Puyat ang pagpatuman sa “20 meter salvage zone” sa mga patigayon sa maong dapit. Gusto usab nila nga hatagan ug kasulbaran ang uban pa nga mga “issues and concerns” sa tabang sa kagamhanang probinsyal ug kagamhanang lokal sa Panglao.
Gihimo sa mga kalihim ang pakisusi sa maong dapit agi ug pagpangandam sa pagbukas sa torismo dinhi sa Bohol nga nasarado gumikan sa Covid-19 pandemic karong ikaupat nga “quarter” sa 2020.
Ang unang nakabisita sa maong dapit alang usab sa inspeksyon mao sila si Department of Environment and Natural Resources (DENR) Secretary Roy Cimatu ug kanhi National Economic Development Authority (NEDA) niadtong Marso 2018 alang sa pagpatuman sa 20 meter salvage zone ug uban pang environmental violations.