Ang Bohol Provincial Police Office (BPPO) mi-ila sa mga regional awardees sa community relations sa pagtapos sa ika-25 ka tuig nga kasaulogan sa PNP Police Community Relations (PCR) Month.
Ang BPPO, pinangulohan ni Police Colonel Joselito Clarito ni-ila sa mga kawani ug pundok sa mga kapolisan dinhe nga nahimong mananaog sa rehiyon sa PRO7 PCR atol sa kasaulugan diin adunay gihimo nga “culmination program” didto sa Camp Dagohoy Grounds sa dakbayan sa Tagbilaran.
Gihatagan ug pasidungog sa BPPO ug mga hingtungdan pinaagi sa usa ka “certificate”. Ang mga hingtungan mao sila si: Si Police Captain Romar Labasbas, kanhi chief of police sa Panglao Municipal Municipal Police Station nga mao ang Best Junior PCO of the year in PCR; samtang si Police Master Sergeant Helena Guitones sa Antequera Municipal Police Station mao ang best senior PNCO of the year in PCR; ug si Police Staff Sergeat Lica Caingles sa Dimiao Municipal Police Station mao ang best junior PNCO of the year in PCR.
Gi-ila usab ang Bohol Provincial Police Office nga mao ang best provincial police office of the year in PCR nga nangharos sa tanang mga kapolisan sa sa tibuok Central Visayas.
Si Clarito ug si Board Member Ricky Masamayor ang mga mitunol sa “certificate” sa matag usa sa mga mananaog. Si Masamayor mao ang chairman sa committee on Peace and Order and Public Safety sa Sangguniang Panlalawigan sa Bohol ug mao usab ang pinasidunggang dinapit sa PCR culmination program. .
Sa susamang higayon, si Clarito ug ang BPPO ni-ila usab sa mga maayng binuhatan sa mga kahugpungan sa kaplisan sa lalawigan sa Bohol karong tuiga sa natad sa Police Community Relations.