Midasun gyud ang Regional Director sa Land Transportation and Franchising Regulatory Board (LTFRB) nga si Eduardo Montealto nga sugod karong Agosto 25, 2020, mandatory na nga ipatuman ang pagsakay sa mga public transportation nga dunay face shield isip panagang batok sa Covid-19.
Kini maoy giluwatan nga pamahayag ni Montealto atol sa interbyu sa Bohol Tribune niadtong Myerkules, Agosto 5, 2020.
Matod pa sa Regional Director nga segun kini sa mando sa Department of Transportation nga pagasundon gyud ang pagsul-ot ug face mask sa tanang public transportation nga gilangkoban sa aviation sector, airports, mga train o railway transport, road transport ug maritime transport.
Gipasabot ni Montealto nga gipakanaog sa DOTr ang mando aron kapugnan ang pagtakud sa Covid-19 sa mga public transport utilities diin segun sa mga health authorities nga ang face shields ug face mask makatabang sa panagang sa exposure ug pagtapot sa mga kagaw gikan sa Covid-19.
Nunot niini, gidugang ni Montealto nga sugod karong Agosto 15 ang LTFRB, Land Transportation Office, ug PNP mopatuman sa no face shield, no ride policy dinhe sa Central Visayas.
Gikihanglan mosul-ob gyud ug face shield ug face mask ang mga mosakay ug pang pumbulikong sakyanan lakip na usab ang mga conductors ug drivers.