Unom ka mananagat and gidakop didto sa Getafe, Bohol tungod sa gitawag ug “illegal fishing”.
Nailhan ang mga gikatahapan nga sila si Labiano Bazar, 29 anyos, minyo; Marvin Torrenueva, 19 anyos, minyo; Edmon Quijano, 24 anyos, ulitawo; Christian Quijano, 23 anyos, ulitawo; Nelito Torrenueva, 28 anyos, minyo; ug si Jorie Daan, 24 anyos, minyo ng pulos taga barangay Pandanon, Getafe.
Gidakop ang mga gikatahapan sa may mga alas 10:30 sa buntag niadtong , Agosto 3 sa team sa PNP Kalasag ni Dagohoy cluster 4. Nakita sa mga mananakop nga actong naghimo sa illegal nga pagpanagat ang mga gikatahapan ug nag gamit kini sila sa “improvised compressor” nga gitawag sa Binasaya ug “boto” didto sa kadagatan sa barangay Pandanon.
Nasakmit gikan sa mga suspects ang usa ka unit pumpboard, 150 metros nga hose, duha ka kilo nga isda ug ubang fishing paraphernalia.
Gibilanggo karon ang mga suspects sa Getafe Municipal Police Station samtang gihikay ang kasong ipasaka batok kanila.