Upat ka tuig nga nagtagong “wanted person” tungod sa rape nadakpan sa mga polis didto sa Bien Unido, Bohol.
Gi-ila ang akusado nga si Eugene Torcende, alias “Angi”, 28 anyos, dunay live-in partner, mananagat ug taga Purok 7, barangay Maomawan, Bien Unido, Bohol.
Gidakop ang gikatahapan sa Bien Unido Municipal Police pinangulohan ni Chief of Police nga si Police Captain Lito Bongator Rosales. Dala nila ang warrant of arrest batok sa akusado niadtong sabado sa hapon, Agosto 1, 2020 didto sa Maomawan, Bien Unido.
Giluwatan ang warrant of arrest ni Judge Marivic Trabajo Daray, presiding judge, RTC branch 52 sa Talibon ug gipetsahan kini niadtong Octobre 28, 2016 gumikan sa crimen nga rape.
Matod ni Police Captain Lito Rosales nga upat ka tuig na nga nagtago tago si Eugen Torcende gumikan sa crimen nga iyang gihimo ug naabtan na gyod sa kamot sa balaod ug nisangpot na kini nga nadakpan niadtong Sabado.
Walay pyansa nga girecommendar ang korte para sa iyang temporaryong kagawasan ug kini gibilanggo karon sa Bien Unido Municipal Police Station.