Ni Elvira Bongosia, PIA
Gitakda sa Setyembre 2020 nga ipahigayon sa Philippine Statistics Authority (PSA) ang 2020 Census of Population and Housing (CPH).
Una nang gitakda ang maong census niadtong Mayo 2020 apan tungod sa community quarantine, gi-oktaba una kini.
Matud pa sa gipagawas nga advisory sa PSA, nag-andam na sila sa mga kondisyon nga gitugot sa guidelines sa Department of Health (DOH) ug Inter-Agency Task Force on Emerging Infectious Diseases (IATF) alang sa ipahigayong September 2020 field census enumeration.
Kalabot niini, nanawagan ang PSA sa publiko sa pagsalmot sa census tungod kay mahinungdanong makuha ang kumpletong datos sa populasyon.
Giseguro usab sa PSA nga protektado sa data privacy ang itubag sa publiko sa maong census.
Samtang siguradohon usab sa ahensiya nga sundon sa mga census field workers ang pag-obserbar sa social distancing, pagsuot og facemasks ug face shields samtang magpahigayon sa census matag panimalay. (ecb/PIA7-Bohol)