Ni Elvira Bongosia, PIA
coronavirus disease 2019 (COVID-19) Technical Working Group ang
pagbendisyon sa maong laboratoryo nga nahimutang sulod sa
Bohol Medical Care Institute (BMCI)
compound
ning syudad sa Tagbilaran nga timailhan usab sa pormal nga pagsugod sa operasyon niini. Hulagway gikan sa Facebook Page ni Gov. Art Yap
Nahatagan na og lisensya alang sa pagsugod og operate ang containerized reverse transcription polymerase chain reaction (RT-PCR) laboratory nga gipanag-iya sa kagamhanang probinsyal sa Bohol.
Kini human madawat ang resulta kaniadtong Lunes sa buntag, Agosto 24, nga pasado ang maong containerized RT-PCR lab sa proficiency test sa Department of Health-Research Institute for Tropical Medicine (DOH-RITM).
Sa iyang Facebook post, si Gov. Arthur Yap, miingon nga nagpasabot kini nga mag-operate na og sugod ang atong PCR laboratory.
Gipahigayon dayon sa Lunes sa alas 2 sa pales ang pagbendisyon sa maong laboratoryo nga nahimutang sulod sa Bohol Medical Care Institute (BMCI) compound ning syudad sa Tagbilaran nga timailhan usab sa pormal nga pagsugod sa operasyon niini.
Gitambungan kini nilang Gov. Yap ug Dr. Cesar Tomas Lopez sa coronavirus disease 2019 (COVID-19) Technical Working Group.
Kini gilaumang makapakusog sa kapasidad sa lalawigan sa Bohol alang sa pagproseso sa swab samples sa probinsya.
Kining nagkantidad sa P20 milyong testing laboratory may katakos sa pagpadagan sa batch sa 150 specimens sulod sa walo ka oras. Maka-test kini og specimens matag adlaw nga makakunhod sa oras sa paghulat kun itandi sa test nga gipahigayon sa Vicente Sotto Memorial Medical Center (VSMMC) sa syudad sa Sugbo gikan sa mga pasyente dinhi nga kinahanglan pang dalhon didto.
Apan ning mga milabay nga adlaw, ang mga samples gipadala na lamang ngadto sa Gov. Celestino Gallares Memorial Hospital (GCGMH) ning syudad.
Unang nang gibutyag kaniadto sa tigpamaba sa Bohol Inter-Agency Task Force (BIATF), Dr. Yul Lopez nga kining testing laboratory adunay 8 ka medical technologist, usa ka technician, usa ka pathologist, ug 2 ka encoders.
Kahinumdoman nga kining containerized RT-PCR testing lab, gisusi mismo atol sa ilang pagbisita dinhi sa lalawigan nilang Department of the Interior and Local Government (DILG) Kalihim Eduardo Año ug Department of Tourism (DOT) Kalihim Bernadette Romulo-Puyat niadtong Hulyo 31. (ecb/PIA7-Bohol)