Ni Elvira Bongosia, PIA
Dili na mag-usab sa quarantine classification: ma enhanced general community quarantine, general community quarantine o modified general community quarantine human giusab na sa Inter Agency Task Force (IATF) ang petsa sa gidugayon sa quarantine classification.
Imbes nga matag duha ka semana, ma-usab lamang ang quarantine classification sa nasod matag usa ka buwan.
Gipasabot ni Presidential Spokesman Harry Roque nga gibag-o sa IATF ang patakaran aron magbaton og ‘stability’ ang nagkalain-laing local government units sa nasod sa pagresponde sa coronavirus disease 2019 (COVID-19).
Matud pa nga lisod kun pabag-o bag-o ang mga patakaran matag duha ka semana.
Gidugang pa ni Roque nga gawas sa ‘stability,’ mahimong hapsay usab ang implementasyon sa mga LGUs sa mga granular o localized lockdown sa mga barangay.
Giingong may ‘continuity’ usab kun matag buwan ang quarantine classification.
“Minabuti na po ng IATF na gawing isang buwan para magkaroon ng stability ‘no iyong iba’t ibang mga lokal na pamahalaan. Napakahirap po kasi kung magbabago ang rules every two weeks. So ngayong every month na po, hindi lang siya magiging stable at mas malo-localize po kasi ngayon iyong mga ginagawa ng mga LGUs kasama na rin po diyan iyong mga localized at granular lockdowns. So parang mas mayroon pong continuity kung one month,” matud pa ni Roque. (ecb/PIA7-Bohol)