Si Pollice Regional Office 7 Regional Director Police Brigadier General Albert Ignatius Ferro mipasidungog sa duha (2) ka pulis sa Carmen PNP pinaagi sa pagsab-it ug medalya kanila.
Kining duha ka pulis mao ang nanga-angol atul sa usa ka buy bust operation batok sa usa ka gikatahapan nga street level individual drug (SLI) watchlist didto so Carmen, Bohol.
Ang giab-itan sa medalya mao sila si Police Master Sergeant Raulito Generalao ug si Police Staff Sergeant Emil Ilustrisimo, mga sakop sa Carmen Municipal Police Station didto sa Congressman Simeon Toribio Hospital didto so Carmen, Bohol niadtong Mierkoles, Sept. 16, 2020.
Atong mahinumduman nga si Generalao ug Ilustrisimo naangol tungod sa maong buy bust operation batok kang Marvin Estoria Madera, didto sa Sitio Proper 2, borangay Bicao, Carmen niadtong alas 7 so gabie sa Septembre 12, 2020.
Sa dihang gidakop na unta ang gikatahapan, usa ka Rodolfo Gano Galacio, ugangan sa maong gikatahapan, mi-atake sa mga pulis gamit ang iyang sundang.
Mipadulong kini si Galacio ngadto sa mga pulis ug mitigbas kang Police Master Sergeant Raulito Generalao nga naigo sa iyang nawong samtang si Police Staff Sergeant Ilustrisimo, nga maoy back-up, naigo usab sa iyang tuong tiil.
Tungod sa maong panghitabo sa pagpanikbas, napusilan sa mga alagad sa balaod si Rodolfo Dano Galacio nga maoy nakaingon sa iyang hinanaling kamatayon.
Giubanan si Police Regional Director Ferro ni Bohol PNP Provincial Director Police Colonel Joselito Clarito sa gihimong yanong awarding ceremonies alang sa duha ka polis didto sa Carmen, Bohol.
Si Police Brigadier General Albert Ignatius Ferro ang mihimo usab sa iyang command visit niadtong niadtong tungora sa pagka hapon dinhi sa Bohol labi na gyud didto sa Carmen ug sa Camp Francisco Dagohoy.