Ang mga kapulisan sa Tagbilaran, padayong nanakop sa mga tawo nga dili musonod sa mga patakaran nga gipatuman aron pagsumpo sa Covid 19. Kining maong kasayuran, nakuha sa The Bohol Tribune gikan sa buhatan sa kapulisan ning maong dakbayan.
Pinanguluhan ni Lt.CoI. Mary Crystal Peralta, hepe sa Tagbilaran City Police Station, ang mga kapulisan nanakop mga tawong malapason sa minimum health standards sama sa wala pagsul-ob og facemask, wala pagtuman sa social distancing, curfew ug uban pang sumbanan nga nakalatid ubos sa sa Modified General Community Quarantine (MGCQ).
Tungod sa nagkasaka nga talaan sa mga nataptan sa CoViD19 dinhi sa Bohol, hugtanong gipatuman sa kapulisan ang mga sumbanan kun protocol aron masumpo ang Covid 19. Ug niining semanaha lang,
dill muobos sa 20 ka tawo ang nasikop tungod sa ilang paglapas sa nagkadaiyang patakaran nga gipatuman.
Nanawagan usan ang kapolisan sa dakbayan ngadto sa mga katawhan nga unta ilang sundon ang ang balaod aron dili makabagat ug problema ilabi na kay kaso gilayon ang isang-at sa mga tawo nga malapason.