Matod ni Governor Art Yap nga nagreport ang Gallares Hospital Molecular Laboratory nga adunay 2 ka taga Tubigon ug 1 ka taga San Miguel ang nagpositibo sa RT-PCR Test sa pitsa nga Sept 16, 2020.
Midugan ang gobernador sa pagtaho nga kining mga natala nga bag-ong kaso sa positibo sa Covid 19, walay mga travel history, dili pod kini mga Locally Stranded Individual (LSI) ug Overseas Filipino Worker (OFW) kung dili mga kaso kini sila sa community transmission.
Sumala sa Governor nga ang duha ka taga Tubigon, produkto sa padayong contact tracing samtang, samtang and usa ka taga San Miguel, kasamtangang na admit sa Ramiro Hospital tungod kay naglisod og ginhawa nunot sa Cardiac Arrhytmia.
Kining anaa sa Ramiro hospital, gikuhaan ug swab sample tungod kay ila kini siya nga gilakip sa talaan sa mga SARI patient sa maong tambalanan, matud pa sa gobernador.
Midugang ang gobernador sa pag-ingon nga iya na nga gipahibaw si Mayor William Jao sa Tubigon ug si Mayor Mendez sa San Miguel sa resulta sa duha ka kaso sa Covid-19 samtang padayon karon na gihimo ang contact tracing sa bag-ong kaso pinaagi sa PHO,DOH, PNP contact tracing team sa Rural Health Unit.