Usa ka biktima sa pagpangawat ang magpatala sa blotter sa kapolisan ning dakbayan. Ang biktima nailhan nga si Jocelyn Pequit y’ Igang, 39 anyos, minyo, manindahay sa isda ug taga Purok 2, brgy. sa Manga.
Gisaysay sa biktima nga niadtong Lunes, September 14, 2020, sa may mga
12:30 sa udto, mipauli ang iyang anak nga lalaki nga nag edad ug 14 anyos aron magkuha og suka sa ilang panimalay. Sa paghidangat sa iyang anak sa ilang panimalay, nakit-an niini nga may nigawas sa maong panimay nga gitumbok nga si alyas Ruben, giingon nga 18 anyos, nga taga Purok 6, brgy. Manga gihapon ning dakbayan.
Sa pagkasayud niining maong taho, dali nga miuli sa ilang panimalay ang biktimang lab-asera ug gihimo ang pakisusi didto sa ilang pinuy-anan. Iyang nadiskubrehan nga nahanaw na ang 10,000 mil pesos nga iyang tinigum ug kinitaan sa pagpamaligya og isda. Gituhuan sa biktima nga ang suspek sa pagpangawat mao si alyas Ruben nga nakit-an sa iyang anak nga migawas sa ilang panimalay. Ang kaso gitugyan na ngadto sa Theft and Robbery section sa City PNP alang sa dugang imbestigasyon.