Gipahibaw sa Bureau of Fisheries and Aquatic Resources (BFAR) nga ang Dauis Bay ug Tagbilaran City Bay positibo gihapon sa red tide toxin.
Kini ang nasayran sa buhatan sa BFAR basi sa ilang labing ulahi nga shellfish bulletin nga migawas niadtong Martes, Sept. 22, 2020.
Nagpahimangno usab ang BFAR sa publiko nga ang tanang matang sa kinsahon sa maong mga dapit, dili luwas kaonon.
Hinuon, ang mga isda, squid, hipon, ug mga kasag gikan sa nahisgutang mga baybayon luwas ra kaonon basta hugasan ug maayo ingon man ang ilang mga hasang ug tinae kuhaon sa dili pa luto-on, dugang sa BFAR.