Padayon ang pagpatuman sa gitawag nga Modified General Community Quarantine kon MGCQ dinhi sa Bohol humam gilagdaan nj Gob. Arthur Yap ang Executive Order (EO) No. 48.
Sa maong EO, gilugwayaN ang mga mando nga gilatid sa EO No. 33 diin unang gipaubos ang Bohol sa MGCQ.
Ang MGCQ ang kinalu-agan nga matang sa commumity quarantine nga gipatuman sa atong nasud.
Ang bag-ong mando sa EO No. 48 nagaingon nga ang MGCQ magsugod sa 12:01 sa sayong buntag sa Oktubre 1, 2020 ug molungtad kini hangtud sa 11:59 sa gabie sa Nobyembre 30, 2020.
Gipadayon sa maong executive order ang pagpatuman sa mga naandan nga mga health ug safety protocols sama sa pag sul-ob sa face mask ug face shields, sa pagpatuman sa social distancing, sa pag panghunaw,ug sa pagdili sa mga tapok-tapok.
Sumala pa sa gobernador, ang mga kagamhanang lokal adunay katungod nga mopatuman sa gitawag nga granular lockdown kon kini kinahanglanon. Apil niini ang pagpaubos sa usa ka sitio, barangay o mga cluster sa mga barangay nga adunay containment o dili kaha mga buffer zones.
Wala gihapon itugot ang mga panaw sa abyon. Hinoon, gitugutan ang mga sweeper flights nga maoy pagasakyan sa mga mupa-uli nga mga locally stranded individuals o kaha mga overseas Filipino workers nga nananghid sa mga focal persons ilang tagsa-tagsa ka mga mga lungsod. Kinahanglan gihapon nga kini sil mupa-ubos sa kwarantina inig abot nila dinhi sa lalawigan.
Midugang pag-ingon ang gobernador nga ang mga sam-ang sa probinsya pagatakpan gikan sa petsa nga Oktubre 31, 2020 hangtud sa Nobyembre 3, 2020 aron malikayan ang tapok-tapok sulod sa maong mga dapit.
Tungod niini, gi-awhag sa gobernador ang katawhang Bol-anon nga sila muduaw sa ilang mga mitaliwan nga mahal sa kinabuhi sa mga adlaw nga gitugot ang pagpasulod ug mga bisita sa mga sam-ang. Ang mga misa nga himoon sa mga petsa nga nahisgotan mahimo nga mosubay sa mga gidaghanon sa mga manimbahay, ug kinahanglan nga ang mga tawo mosunod sa sumbanan sa health ug safety protocols, matud pa ni Yap.