Sinulat ni Elvira Bongosia
Gi-awhag sa Malakanyang ang mga ginikanan nga pabakunahan ang ilang mga anak batok sa tipdas.
Pahayag kini sa Palasyo human mipasidaan ang Department of Health (DOH) sa posibilidad nga magka-outbreak sa tipdas sa sunod tuig.
Matud pa ni Presidential Spokesman Harry Roque, tataw ang mensahe ni Presidente Rodrigo Duterte nga dili angay kahadlokan ang bakuna.
Giingon nga napamatud-an nang luwas ang bakuna batok sa tipdas.
Gani, miingon si Roque nga sa pagmatuod niini, ang bakuna sa tipdas ang usa sa mga labing una ug pinakasayo nga gigamit sa Pilipinas.
“Itong bakuna naman po sa measles, isa na ito sa pinakaluma at pinakamaagang ginagamit na natin. Bakit pa po natin i-expose sa aberya ating mga minamahal sa buhay na mga chikiting eh samantalang mayroon naman po tayong tried and proven na bakuna laban diyan. Naiintindihan po namin ang takot ninyo sa panahon ng COVID-19 at dahil marami kasi talagang nagkalat ng lagim ‘no doon sa mga ibang mga bakuna. Pero itong measles naman po, matagal na pong ginagamit iyan so wala po kayong dapat ikatakot ‘no,” sumala pa sa pamahayag ni Roque.
Matud pa ni Roque, libre man ang bakuna batok sa tipdas.
“Libre po ang vaccine o bakuna para po sa measles. Pabakunahan na po natin ang ating mga chikiting,” dugang pahayag ni Roque.