Dul-an sa 170, 000 ka pamilya sa Bohol ang nakadawat ug bugas gikan sa kagamhanang probinsiyal kon PGBh ubos sa Rice Subsidy Program taliwala sa Covid-19 pandemya.
Ang mga pamilya nga nakadawat ug mga hinabang, mga lumolupyo sa 28 ka mga lungsod diin gihatud ug gitunol mismo ni Gob. Arthur Yap ang suportang pagkaon sugod niadtong Agosto 11, 2020 hangtud sa Oktubre 12, 2020.
Ang matag pamilya nakadawat ug premium rice nga tag walo ka kilos matag putos.
Ang 28 ka mga lungsod mao ang Alburquerque, Alicia, Baclayon, Batuan, Bilar, Corella, Duero, Guindulman, Sevilla, Loboc, Loon, Dimiao, Maribojoc, Cortes, Sikatuna, Loay, Pilar, Anda, Lila, Garcia Hernandez, Calape, Jagna, Sierra Bullones, Carmen, Mabini, Candijay, Buenavista, ug Clarin.
Apil nga giapud-apud ang Coronavirus disease (Covid) 19 contact tracing cards nga may may gitawag ug QR (quick response)code kada banay.
Gilaumang mahuman ang pag-apud-apud sa bugas ug contact tracing cards sa nahibiling 19 ka mga lungsod ug dakbayan sa Tagbilaran sa sayong bahin sa Nobyembre. (PRIMER)