Gipahibalo sa Land Transportation Office (LTO) niadtong Lunes, Oktubre 19, 2020 nga dawaton ug balik sa ilang mga buhatan ang mga may edad 17 hangtod 21 anyos ug 60 hangtod 65 anyos nga magproseso sa ilang mga lisensya ug ubang opisyal nga transaksyon. .
Kini base usab sa rekomendasyon sa Inter Agency Task Force (IATF).
“Alinsunod sa rekomendasyon ng IATF, ang mga opisina ng LTO ay muling makakapaglingkod sa mga kliyenteng 17-21 taong gulang at 60-65 taong gulang,” matud pa sa gipagawas nga advisory sa LTO.
Matud pa sa ahensya, ang mga naa sa edad 17 hangtod 21 ug 60 hangtod 65 anyos nga gustong mo-apply ug student permit, driver’s license ug conductor’s license mahimo nang moadto sa mga buhatan sa LTO.
Gipahinumdom usab sa LTO nga gi-uswag ang validity sa mga nag-expire nga lisensya sulod sa gipatuman nga restriction period hangtod sa Disyembre 31 ning tuig. (PIA)