Sinulat ni Rey Anthony Chiu
Bisan pa sa giingon nga adunay naayo sa coronavirus disease (COVID-19) apan gibalikan sa impeksyon, niay gipagawas nga pagtuon kabahin sa kapasidad sa lawas nga magmugna ug iyang kaugalingon nga panalipod.
Sumala sa usa ka pagtuon, sulod sa lima ngadto sa pito ka buwan human sila masakit sa COVID-19, napakita sa lawas sa mga kanhi pasyente nga nauli-an, nga ang ilang lawas nagmugna ug taas nga kalidad sa antibodies nga mahimong makigbatok sa susamang sakit.
Gani, kini gituohan nga kini maoy timailhan nga makabatan gayud ang lawas ug hangtud sa tibuok kinabuhi niya nga panalipod o lifetime immunity sa susamang sakit.
Matud sa usa ka pagtuon nga gimantala sa Immunity Journal, kini importante nga kasayuran kay mahimong kini timaan nga ang makasit sa COVID-19, mahimong makabaton ug immunity sa sakit sa tibuok niyang kinabuhi, segun pa sa mga eksperto.
Ang antibodies, mga magdagway ug protina nga gigama sa lawas sa tawo alang sa iyang panginahanglan niini, sakyan sa mga antibodies nga maoy makigbugno sa mga kagaw nga mahisulod sa lawas sa tawo.
May mga nag-una nga pagtuon ang nagtimbang timbang sa inisyal nga epekto sa antibodies sa pagsugod ug atake sa kagaw.
Sa pagtuon, human sa pag-atake sa kagaw sa lawas, naghimo kini dayon sa antibodies, ug mikibra ang gidaghanon niini sa dihang migrabe ang pag-atake sa kagaw.
Apan giasoy sa usa ka eksperto, mahimong ingon niini ang nahitabo kay ang gibasehan sa pagtimbang o assessment sa antibodies, kadtong mubo nga kinabuhi sa plasma, ug dili kadtong may tag-as nga kinabuhi nga plasma.
Ang plasma nga may mubo ug kinabuhi maoy mahimo sa lawas aron pagtubag sa impeksyon.
Samtang sa laing bahin, ang plasma nga may tag-as nga kinabuhi, maoy maghimo sa tinag-as nga immunity batok sa impeksyon.
Sa pagtuon nga nag-ingon nga mingkunhod ang kadaghanon sa antibodies dihang mingatake ang kagaw sa lawas, ang gitan-aw lamang sa nagtuon mao ang mugbo ug kinabuhi nga plasma.