Usa ka gikatahapan nga pinangita sa balaod ang nasikop sa kapolisan, matud sa taho nga nahipos sa The Bohol Tribune niadtong adlaw nga Miyerkules, Okt. 28, 2020.
Matud sa taho, ang wanted nga gikatahapan naila nga mao si Cerapio Gonzaga Jr. , 40, taga Purok 4, Zamora St., Brgy. Dao ning dakbayan sa Tagbilaran.
Ang warrant of arrest sa kasong grave threats gisilbi sa mga alagad sa balaod ngadto sa suspetsado sa may mga a las 5:30 sa hapon, niadtong adlaw nga Martes, Okt. 26, 2020, human miisyu sa arrest warrant si Municipal Trial Court in Cities (MTCC) Branch 4 Presiding Judge Angelica Santos-Doctor nga pinetsahan ug Oktubre 12, 2020.
Gisugyot sa korte ang pyansa nga nagkantidad ug P 3,000 alang sa temporaryong kagawasan sa gikatapan.
Kasamtangan nga anaa sa kustodiya sa kapulisan sa dakbayan and gikatahapan.