Ang lungsod sa Loon, Bohol nakaangkon ug bag-ong fire truck gikan sa Bureau of Fire Protection (BFP), sumala sa taho nga nahipos sa The Bohol Tribune niadtong adlawng Huwebes, Nob. 9, 2020.
Kini maoy gitug-an ni Bohol Provincial Fire Marshall Fire Chief Inspector Raul Bustaliño ngadto sa The Bohol Tribune.
Naabot didto sa lungsod sa Loon, Bohol ang nahisgotan nga fire truck human gikan didto sa Metro Manila.
Ang bag-ong fire truck adunay katakus nga mokarga ug 3,000 litros nga tubig alang sa pagresponde sa sunog, asoy pa ni Bustaliño.
Gibutyag ni Bustaliño nga ang bag-ong firetruck mas makapakusog sa abilidad sa kagamhanang lokal sa Loon sa ilang pagresponde sa sunog lakip pa nga makaresponde pod sa silingang mga lungsod nga nagkinahanglan ang serbisyo sa bag-o ug moderno nga fire truck.
Dugang pa sa Provincial Fire Marshall nga makaangkon pa ug dugang nga bag-ong fire truck ang nagkalaing laing mga lungsod sa Bohol tungod kay dunay mga local government units inhe ang dunay standing resolution nga gisang-at ngadto sa BFP headquarters para sa dugang fire truck.