Usa ka pinangita sa balaod nga suspetsado tungod sa kaso nga estafa ang nadakpan sa mga Provincial Mobile Force Company (PMFC) Special Weapons and Tactics (SWAT) ug Criminal Investigation and Detection Group (CIDG), matud pa sa taho nga nahipos sa The Bohol Tribune niadtong adlawng Huwebes, Nob. 5, 2020.
Gipaila sa mga tinugyanan ang akusado nga si Jessica Milca, alias Jessica Milca Teel, 49, minyo, ug taga Purok 2, barangay Bil-isan, Panglao, Bohol.
Gidakop ang gikatahapan sa kwerpo sa kapulisan mga ala-una sa hapon, Nob. 3, 2020 didto sa Purok 2, Bil-isan, Panglao human gipatuman ang warrant of arrest nga-issue ni Judge Angie Ucat Logarta, presiding judge Metropolitan Trial Court in Cities (MTCC) Branch 2, Tagbilaran City tungod sa giingongs kalapasan sa balaod nga estafa.
Gidala ang akusado didto sa buhatan sa Cririminal Investigation and Detection Group (CIDG) alang sa booking ug documentation samtang P18,000 ang piyansang gisugyot sa korte para sa temporaryong kagawasan sa giingong gikatahapan.