Nagpagawas ug circular ang Department of Finance (DOF) nga nag-uswag hangtod sa umaabot nga Dis. 19, 2020 ang deadline alang sa pagbayad ug mga buhis ug uban pang bayronon sa mga lokal nga kagamhanan o mga local government unit (LGU) matud sa taho gikan sa Philippine Information Agency (PIA) nga gipagawas niadtong adlaw nga Miyerkules, Nob. 11, 2020.
Ang gipagawas nga Department Circular No. 003-2020 ni DOF Kalihim Carlos Dominguez III, agi ug pagsunod sa nakalatid sa Republic Act No. 11494 o Bayanihan to Recover as One Act (Bayanihan 2).
Gi-klaro sa department circular nga ang tanan nga mga gitakdang deadline sa pagbayad og mga buhis ug uban pang bayronon sa mga lokal nga kagamhanan dili na epektibo, bisan pa nga gigarantiyahan man kini sa Republic Act 7160 o ang Local Government Code.
Nakalatid usab sa kamanduan nga walay singilon nga interest, surcharge o multa sa mga local tax, fee ug charge nga mabayran sa dili pa o sa mismong Dis. 19, 2020.
Tumong niining lakang nga mapagaan ang giabaga sa katawhan ug mga negosyante tungod sa pandemya nga coronavirus disease 2019.