Kon magbukas man ug balik ang mga tunghaan alang sa face-to-face classes, gikinahanglan ang dugang safety officers ug ang school nurse nga aktibong mopatuman sa mga lagda sa kasanihan ilabi na sa pangontra sa pagtakod sa coronavirus disease (Covid).
Kini maoy nalatid sa bag-o lang gyud nga giduso nga Handbook on Guidelines and Protocols for general community Quarantine and New Normal Measures sa 1Bohol Covid-19 Medical Technical Working Group (TWG) alang niadtong mga eskwelahan nga mag abli ug balik taliwala sa bag-ong normal.
Sa maong handbook, adunat 17 ka mga lagda nga angayan lamang sundon sa mga tigdumala sa mga eskwelahan aron dili masilotan ug masirad-an hinuon kon ugaling sugdan na ug balik ang face-to-face classes.
Lakip sa mga napatik didto ang panginahanglan sa school nurse o physician nga hatagan sa tukma nga orientation kabahin sa Covid sa dili pa magbukas ang tunghaan, ug ang pagpahimutang sa mga safety officers kinsa maoy gitahasan nga magpatuman sa mga health and safety protocols ug maghimo ug inadlaw nga taho kabahin sa mga estudyante ug mga magtutudlo nga nagpakita ug simtomas sa makalilisang nga sakit.
Gawas sa pugos nga temperature check nga himoon sa pultahan o ganghaan sa eskwelahan dungan sa pagseguro nga ang tanan nga mosulod nagsul-ob ug mask ug dili gayud magtangtang niini, magbaton usab ang tunghaan sa sobra nga mask basig kon may estudyante o magtutudlo nga kinahanglang magpuli ug mask sa sulod sa tunghaan.
Dili gayud tugotan ang si bisan kinsa nga makasulod sa tunghaan kon may ubo, sip-on, hilanat, kalibanga ug paglisud sa pagginhawa, ug sa kahimtang sa estudyante, pahibaw-on dayon ang ginikanan ug papauli-on aron ipailawom sa isolation.
Gawas niini, ilista ang mga nakaduol sa bata, samtang obligado ang school nurse o doktor sa pagpahibaw sa Rural Health Unit (RHU) sa kahimtang sa bata nga adunay gipakita nga simtomas.
Sa mga tunghaan, gawas nga ipahinumdom kanunay ang pagpanghunaw, magbutang usab ug sabon ug limpyong tubig sa mga hunawanan, samtang andaman ug alcohol-based sanitizer ang mga lawak diin magtuon ang mga tinun-an, library, laboratory, ug pasilidad sa tunghaan sama sa computer rooms, cafeteria ug sa mga physical education rooms.
Ang mga lawak sa mga tinun-an himoan usab ug inadlaw nga pagdis-infect matag hapon inig sira sa klase ug lakip nga hinloan ang mga pansayan.
Ang pagdis-infect himoon ka-usa ka higayin kada duha ka oras.
Sa sulod sa mga classrooms, 20 lamang ka lingkoranan sa mga bata ang tugotan ug kini ipahiluna sa kahilangon nga 2 metros matag usa aron makaagi-an gihapon nga dili mag-abut ang mga tawo, bisan pa nga estriktohon ang pagpatuman sa 1 metros nga social distancing.
Bisan pa usab, did-an pa gihapon ang mga group activities, group projects ug ubang kalihukan nga magpatapok sa mga tawo, ug papauli-on ug sayo ang mga bata aron mamenosan ang mga magsuroysuroy sa panahon nga ang tanan magdungan ug gawas sa klase.
Wala usab tugotan nga maglangan sulod sa eskwelahan.
Kon magbukas man ug balik ang mga tunghaan alang sa face-to-face classes, gikinahanglan ang dugang safety officers ug ang school nurse nga aktibong mopatuman sa mga lagda sa kasanihan ilabi na sa pangontra sa pagtakod sa coronavirus disease (Covid).
Kini maoy nalatid sa bag-o lang gyud nga giduso nga Handbook on Guidelines and Protocols for general community Quarantine and New Normal Measures sa 1Bohol Covid-19 Medical Technical Working Group (TWG) alang niadtong mga eskwelahan nga mag abli ug balik taliwala sa bag-ong normal.
Sa maong handbook, adunat 17 ka mga lagda nga angayan lamang sundon sa mga tigdumala sa mga eskwelahan aron dili masilotan ug masirad-an na hinuon kon ugaling sugdan na ug balik ang face-to-face classes.
Lakip sa mga napatik didto ang panginahanglan sa school nurse o physician nga hatagan sa tukma nga orientation kabahin sa Covid sa dili pa magbukas ang tunghaan, ug ang pagpahimutang sa mga safety officers kinsa maoy gitahasan nga magpatuman sa mga health and safety protocols ug maghimo ug inadlaw nga taho kabahin sa mga estudyante ug mga magtutudlo nga nagpakita ug simtomas sa makalilisang nga sakit.
Gawas sa pugos nga temperature check nga himoon sa pultahan o ganghaan sa eskwelahan dungan sa pagseguro nga ang tanan nga mosulod nagsul-ob ug mask ug dili gaud magtangtang niini, magbaton usab ang tunghaan sa sobra nga mask basig kon may estudyante o magtutudlo nga kinahanglang magpuli ug mask sa sulod sa tunghaan.
Dili gayud tugotan ang si bisan kinsa nga makasulod sa tunghaan kon may ubo, sip-on, hilanat, kalibangan ug paglisud sa pagginhawa, ug sa kahimtang sa estudyante, pahibaw-on dayon ang ginikanan ug papauli-on aron ipailawom sa isolation.
Gawas niini, ilista ang mga nakaduol sa bata, samtang obligado ang school nurse o doktor sa pagpahibaw sa Rural Health Unit (RHU) sa kahimtang sa bata nga adunay gipakita nga simtomas.
Sa mga tunghaan, gawas nga ipahinumdom kanunay ang pagpanghunaw, magbutang usab ug sabon ug limpyong tubig sa mga hunawanan, samtang andaman ug alcohol-based sanitizer ang mga lawak diin magtuon ang mga tinun-an, library, laboratory, ug pasilidad sa tunghaan sama sa computer rooms, cafeteria ug sa mga physical education rooms.
Ang mga lawak sa mga tinun-an himoan usab ug inadlaw nga pagdis-infect matag hapon inig sira sa klase ug lakip nga hinloan ang mga pansayan.
Ang pagdis-infect himoon ka-usa ka higayin kada duha ka oras.
Sa sulod sa mga classrooms, 20 lamang ka lingkoranan sa mga bata ang tugotan ug kini ipahiluna sa kahilangon nga 2 metros matag usa aron makaagi-an gihapon nga dili mag-abut ang mga tawo, bisan pa nga estriktohon ang pagpatuman sa 1 metros nga social distancing.
Bisan pa usab, did-an pa gihapon ang mga group activities, group projects ug ubang kalihukan nga magpatapok sa mga tawo, ug papauli-on ug sayo ang mga bata aron mamenosan ang mga magsuroysuroy sa panahon nga ang tanan magdungan ug gawas sa klase.
Wala usab tugotan nga maglangan sulod sa eskwelahan.