Mipasidaan ang Bureau of Immigration (BI) nga mamahimong aktibo na usab ug balik ang mga trafficker.
Kini human gilu-agan sa gobyerno ang travel restriction human ang pila ka buwan nga lockdown tungod sa coronavirus disease 2019 (COVID-19).
“We are warning our kababayan not to fall prey to the schemes of these syndicates as they will only put you in harm’s way and expose you to possible abuse” (Atong gipahibaw na nga daan ang atong mga kauban nga Pilipino nga dili magpa-ilad sa mga lingla sa mga sindikato tungod kay pinaagi niini, ipahimutang ka nila sa kakuyaw ug mahimong sinugdanansa pagpang-abuso) matud pa sa gipagawas nga pahayag ni BI Commissioner Jaime Morente.
Matud pa sa gipagawas nga pahayag sa BI, mahimong pahimoslan sa mga trafficker ang mga Filipino nga desperado na nga makapangita ug trabaho sa ubang nasud.
Sa paglibkas sa mga restrictions sa mga non-essential overseas travel sa mga Filipinos, gimanduan ang mga immigration officers nga hugot nga magbinantayon sa pag-screen sa mga molarga nga mga pasahero ug e-refer alang sa secondary inspection kadtong mga may kadudahang rason sa pagbiyahe sa gawas sa nasud.
Matud pa sa BI nga dili ikalimod nga daghang mga Filipino ang nagplanong makagawas sa nasud ug motrabaho.
Gawas sa passports ug work visas, ang mga molarga nga overseas Filipino workers (OFWs) kinahanglang adunay overseas employment certificate (OEC) gikan sa Philippine Overseas Employment Administration (POEA) nga ilang e-presentar sa mga opisyal sa BI sa airport.
Kahinumdoman nga daghang OFWs ang nanguli human mawad-an og trabaho tungod sa pandemya nga COVID-19.