Sinulat ni Dave Charles Responte
Ang pagka-andam sa Philippine Ports Authority (PPA) pagdawat sa bisita, sa mga mubyahe ug sa mga turista gihimoan ug inspection sa mga kadagkuan sa probinsyal nga kagamhanan ug ubang mga opisyal sa nasudnong ahensya.
Ang gikataho nga pakisusi sa pagka-andam sa PPA gihimo niadtong miaging Miyerkules, Nob. 18, 2020.
Nanguna si Board Member Jade Bautista, ang chairman sa Committee on Tourism sa Sangguniang Panlalawigan sa Bohol, sa paghimo sa pag-inspection sa pantalan dinhe sa dakbayan sa Tagbilaran.
Ang pantalan sa Tagbilaran gidumala sa PPA, ug nangandam na sa pagdawat sa mga turista niining new normal.
Uban ni Baustita, mao sila si Bohol Tourism Officer Josephine Cabarrus, City Tourism Officer May Hope Arcenal, ug Jaypee Orcullo sa Department of Tourism Bohol.
Gidawat ang inspection team ni PPA Bohol ports manager James Gantalao.