Gipahibalo sa Malakanyang ngadto sa publiko nga ang Office of the President (OP) nagdugang ug 8888 short message system (SMS)/ text service platform sa 8888 Citizens’ Complaint Center (8888 CCC), usa sa constituent offices sa OP Strategic Action and Response Office, matud sa usa ka taho gikan sa Philippine Information Agency (PIA) ug nakuha sa The Bohol Tribune niadtong adlaw na Biyernes, Nob. 27, 2020.
Ang bagong platform/communication channel, diin gipahigayon ang soft launch niadtong Nobz 3, 2020 nagtinguhang hingosgan ang good governance drive sa Duterte Administration.
Sa maong bag-ong plataporma, ang katawhan mahimong mo-text sa 8888 sa Globe ug Smart ug sa ilang affiliate telcos ug didto mahimo na nilang ipaabot ang ilang concerns, reklamo ug yangongo kalabot sa graft ug corrupt practices sa mga opisyal ug empleyado sa gobyerno ug ang hinay ug dili maayo nga paghatag serbisyo sa gobyerno ug requests alang sa government assistance nga libre o “free of charge.”
“Those who are corrupt, lazy, incompetent in the government be forewarned. You are now one text away,” (Kamo nga mga kurakot, tapulan ug dili makamao sa trabaho sa gobernor, pag-bantay kamo. Usa lang ka text kamo [sa pagkapapha}. bahad pa ni Presidential Spokesperson Kalihim Harry Roque.