Gikan sa PIA
Gipahibalo sa Commission on Elections (COMELEC) nga walay voter registration nga ipahigayon sa umaabot Nobyembre 30 ug Disyembre 8.
Sa public advisory nga ilang gipagawas, miingon ang COMELEC nga sarado ang ilang mga buhatan ug walay transaksyon sa mga nahisgotang petsa tungod kay deklarado ang duha ka nahisgotang adlaw nga holiday.
Matud pa sa ahensya nga agi kini ug pagsunod sa Presidential Proclamation No. 845.
Gideklarar isip holiday ang Nobyembre 30 isip pagtimaan sa Bonifacio Day samtang ang Disyembre 8 usab usa ka special non-working holiday alang sa Feast of the Immaculate Conception.
Samtang nagpahinumdom ang COMELEC nga ipahigayon ang pagpatala gikan alas 8 sa buntag taman alas 3 sa hapon matag weekdays gawas sa adlaw nga Biyernes alang sa ilang disinfection.
Hugot usab nga gipatuman ang minimum public health standards sa sulod ug gawas sa mga buhatan sa COMELEC.