Upat ka local government unit (LGU) sa Central Visayas o Rehiyon 7 ang migawas nga mananaug sa tinuig nga Digital Governance Awards (DGA) 2020 tungod sa ilang paningkamot nga magamit ang Information and Communications Technology (ICT) sa pagpangalagad sa mga katawhan, matud sa taho sa Department of the Interior and Local Government sa Central Visayas.
Ang Cebu City maoy midaug sa ikaduhang ganti ug ang Tagbilaran City maoy nakakuha sa ikatulong ganti sa kategorya nga Best in Business Empowerment Award (City Level).
Ang probinsya sa Bohol maoy nakakuha sa ikaduhang pwesto sa kategorya nga Best in LGU Internal Process Award (Provincial Level).
Sumala pa susamang sa taho nga ang Municipality of Loon, Bohol maoy nakadaug ug ikatulong ganti sa kategorya nga Best in Covid-19 Pandemic Response Award (Municipality Level).
Ang virtual nga awarding gihimo niadtong Biyernes, Dis. 11, 2020, matud pa sa DILG.
Ang DGA usa ka hinusang proyekto sa National ICT Confederation of the Philippines (NICP), Department of Information and Communications Technology (DICT), ug DILG.
Ang maong awards nagpasidungog sa nga paningkamot sa mga LGU sa paggamit sa matang sa ICT aron mapalambo ang business development, ug serbisyo sa katilingban.