Niadtong adlaw Biyernes, Dis. 11, 2020, gipirmahan ni Gob. Arthur Yap ang memorandum of agreement (MOA) nga mihatag ug Active (Actual) Hazard Duty Pay (AHDP) ug COVID-19 Special Risk Allowance (SRA) sa mga frontline health workers.
Ang pagpirma sa maong MOA nahitabo atol sa tigom sa mga mayor didto sa Kapitolyo.
Ang regional director sa Department of Health nga si Jaime Bernadas mitambong sa maong tigom pinaagi sa Zoom.
Nipirma usab sa maong kasulatan si Dauis Mayor Marrieta Sumaylo isip presidente sa League of Municipalities of the Philippines-Bohol chapter.
Sila si Vice Gov. Rene Relampagos, Board Member Aldner Damalerio, Dr. Yul Lopez, Bohol Inter Agency Task Force (BIATF) spokesperson, Mayor Pureza Veloso-Chatto sa Balilihan (First District), Mayor Dave Duallo sa Buenavista (Second District) ug Mayor Kat Lim sa Valencia (Third District).
Ang hazard pay alang sa mga pinili nga health frontliners ug kini gipangapod-apod sa Department of Health (DOH).
Ang Bayanihan 2 nga balaod maoy basehan sa paghatag ug hazard pay sa mga health frontliners. Ang guidelines sa pag apod apod sa maong hazard pay nakalatid sa nahisgotang balaod.