Ang protocol sa pagsulod sa mga frequent individual traveler (FIT) gihisgotan ni Gob. Arthur Yap ug mga mayor sa ilang regular nga tigom niadtong adlaw Biyernes, Dec. 11, 2020, sumala pa sa mga tinugyanan sa PRIMER sa Kapitolyo.
Nahisgutan nga kinahanglan ang mga musulod na FIT dinhi sa Bohol alang sa turismo.
Naglaraw ang probinsya nga ablihan ang turismo dinhi alang sa mga FIT karong umaabot nga Dis. 15, 2020, aron mudagan na ang ekonomiya sa probinsya. Mga 70% sa ekonomiya sa Bohol ang nakadepende sa industriya sa turismo.
Ang protocol mao ang musunod:
Ang mga FIT kinahanglan nga adunay negatibong resulta sa polymerase chain reaction (PCR) nga nakuha 72 oras sa dili pa moabot dinhi sa lalawigan.
Ang mga FIT nga moabot dinhi kinahanglan nga adunay confirmed booking sa usa ka accredited hotel ug adunay pre-arranged booking sa mga transport and tours.
Ang mga FIT magkinahanglan nga mo-register sa tourism portal (tourism.bohol.gov.ph) aron mahatagan ug quick response code.
Kon sila magpuyo dinhi ug labaw sa lima ka adlaw usbon ang PCR test ug i-quarantine hangtod mugawas ang resulta.
Mopirma ang FIT ug undertaking nga mag self monitor sila sulod sa pito ka adlaw inig uli nila ug mag pa PCR kon adunay mogawas nga mga sintomas.