“Ceasefire is dead.”
Mao kini ang gipahayag ni Presidente Rodrigo Roa Duterte sa iyang public address niadtong Lunes sa gabii, Dis. 7, 2020, kalabot sa iyang desisyon nga dili na magpatuman ug ceasefire agreement kauban ang New People’s Army (NPA) hangtod sa katapusan sa iyang termino.
Nipagawas sa maong pahayag ang Presidente pila ka semana ang nahabilin sa dili pa ang kapaskuhan.
Kahinumdoman nga una nang gisugyot ngadto sa Presidente sa Armed Forces of the Philippines (AFP) nga dili magdeklarar ug Christmas ceasefire kauban ang rebeldeng komunista.
“There will be no ceasefire ever again under my term ko pagka-presidente,” matud pa ni Duterte.
(Wala nay ceasefire ubos sa akong termino.)
“For all intents and purposes, ‘yong ceasefire is dead. Wala na ‘yon,” dugang pahayag pa niini.
(Patay na ang ceasefire. Wala na kini.)
Gibasura na usab sa Presidente ang posibilidad sa pagbanhaw sa peace talks tali sa gobyerno ug National Democratic Front (NDF), ang negotiating arm sa Communist Party of the Philippines (CPP).
Gidugang pa ni Duterte nga moabot ang panahon sa dili pa matapos ang iyang termino nga iyang hinganlan ang tanang nalambigit sa NDF.
Ning bag-o lang gi-akusahan ni Duterte ang militanteng organisasyon nga kauban sa grand conspiracy nga gipangunahan sa CPP aron gub-on ang lehitimong gobyerno.
Giklaro sa Presidente nga ang mga grupong sama sa Makabayan bloc sa Ubos Balay Balaoranan, Bayan ug Gabriela wala gi red-tagged sa gobyerno.
Gibutyag pa ni Duterte nga may pipila ka tawo nga gikan sa kampo sa maong mga grupo ang dayag sa pag-atake batok sa maong mga grupo.(PIA)