Blanko pa ang kapolisan sa dakbayan, kun unsay motibo ug kinsa ang mga suspetsado sa pagpusil patay sa usa ka babaye nga nadakpan kaniadto kalabot sa illegal nga drugas.
Kini ang nakuhang impormasyon sa The Bohol Tribune sa mga tinugyanan didto sa Tagbilaran City Police Station diin
padayon gihapon ang imbestigasyon sa maong kaso sa ambush niadtong adlaw Martes sa hapon, Dis. 15, 2020.
Ang kapulisan nanawagan sa publiko nga nakasaksi sa panghitabo nga mitug-an sa ilang nahibaw-an aron makab-ot ang kasulbaran sa maong kaso.
Sa gihimong follow up investigation sa Tagbilaran City Police, nasayran nga si niadtong May 25, 2020 nasikop ang biktima sa pagpamusil nga si Jenalyn Matura alyas Crisil Abelgas, didto sa Sitio Antipolo, Brgy. Dampas kauban sa laing tulo ka kauban niini diin nakakumpiskar ang kapolisan ug duha ka kilo nga shabu.
Matud pa sa taho, nakapyansa si Matura ug niadtong miaging bulan nga dismiss ang kaso.
Gi-ambush sa mga wala mailhing suspetsado si Matura nga sakay sa usa ka sports utility vehicle. Kauban ni Matura sulod sa sakyanan si kanhi Albur Mayor Elpren Charles “Bobec” Tungol ug usa ka Rey Duron.
Gi-ambush sila didto sa Pahang st., cor. Happy Valley st., sa barangay Mansasa.