Bohol Tribune
Bisaya

Pagsuot ug face shield, face mask ‘mandatory’ na kung mogawas sa balay

Pugos na o mandatory ang pagsuot ug face mask ug face shield sa tanang mga pampublikong lugar sa nasod.

Sa pahayag nga gipagawas ni Presidential Spokesman Harry Roque, giingong kini ang nauyonan sa bag-ong polisiya sa Inter-Agency Task Force (IATF) aron makunhoran ang pagkatap pa sa Coronavirus diseae (COVID-19).

Kon kaniadto ang pugos nga pagsu-ot pg face mask ug face shield gipatuman lamang sa mga malls ug pampublikong transportasyon, karon ipatuman na sa tanang mga pampublikong lugar.

Ang maong bag-ong direktiba sa IATF gipagawas human na usab sa kahadlok sa posibleng pagsaka sa gidaghanon sa mga kaso sa COVID sa panahon sa holiday season.

Tuyo sa gobyerno nga kunhoran ang pagkatap sa COVID-19 karong holiday season.

Nanawagan ang gobyerno sa publiko nga likayan ang mga lugar nga gidagsa sa daghang tawo ug mga enclosed areas o saradong lugar ug molikay sa pag-apil o pag-organisa ug social gatherings karong panahon sa Kapaskohan. 

Related posts

Pagdawat sa Nat’l ID sa mga transakyon gilagdaan na ni Duterte

The Bohol Tribune
3 years ago

DENR Usec Leonardo manguna paglusad sa “Trees in the City”

The Bohol Tribune
3 years ago

5-day quarantine sa mga mo-byahe sa Bohol, gilibkas na

The Bohol Tribune
4 years ago
Exit mobile version