Katungdanan sa kagamhanan nga panalipdan ang katawhan batok sa mga pabuto, matud pa ni Presidente Duterte.
Kini ang iyang tubag sa laraw sa kagamhanan nga ipahamtang ang hingpit nga pagdili sa pagpamaligya ug mga pabuto.
Mao kadto ang tubag sa presidente ngadto sa mga tig gama ug mga pabuto nga nabalaka sa ilang negosyo.
Hinoon, nakasabot si Duterte sa kahimtang sa mga tig gama ug pabuto didto sa Bulacan nga apektado ang ilang panginabuhi tungod sa laraw nga hingpit nga pagdili sa pabuto.
“I might even sympathize with you. Loss of earnings and you are driven out of business. But the problem is the higher duty of government to protect public interest, public health,” matud pa sa presidente. (Posible man gani nga ako mosimpatiya kaninyo. Ang mawad-an ug panginabuhi, mawad-an ug negosyo. Apan, ang problema, adunay katungdanan ang gobyerno nga panalipdan gyud ang interes sa publiko ug ang kasanihan sa publiko.)
Ang suliran nato mao nga ang mga pabuto nga gigama sa mga lokal nga tig gama wala masubay sa mga tamdanan. Ug walay insaktong marka ug maglisod ang gobyerno ug kiha sa mga tig gama kon ugaling adunay mga aksidente.)
“Hindi puwede ‘yang ganoon eh. Dapat diyan with every product that is sold to the public, government must have an intervention or to interdict something which is really not good,” sumala pa niya. (Dili mahimo. Ang tanang produkto nga ibaligya ngadto sa publiko, kinahanglang adunay kalabutan ang gobyerno, nga dili mao.)
Mihatag ug tambag si Duterte ngadto sa mga tig gama ug pabuto nga mangita ug laing panginabuhian o patigayon.
Ang mga tinugyanan sa Bulacan nga dili idayon ang laraw nga ipahamtang ug hingpit nga pagdili sa mga pabuto kay gadahum ang mga tig gama ug pabuto nga makabawi sa ilang alkansi tungod sa epekto sa Coronavirus disease (Covid).
Sayo niining bulan, gihisgotan sa presidente ang laraw nga magpahamtang ug nasudnong pagdili sa mga pabuto alang sa kaluwasan ug kasanihan sa publiko.