Ang ika-duha (2) nga nailhan nga most wanted person, municipal level didto sa Zamboanga del Norte nadakpan dinhi sa Bohol.
Gipa-ila ang akusado nga si Arnel Gicale, 26, adunay ka live-in partner, walay trabaho ug taga Purok 4, barangay Dampas, Tagbilaran City ug lumad nga taga Cape, President Manuel A. Roxas, Zamboanga del Norte.
Gidakop ang akusado mga alas 2 sa hapon, Dis. 22, 2020 sa panagjugpong sa kapulisan sa Bohol ug sa Roxas Municipal Police Station, Zamboanga Del Norte didto sa barangay Dampas, dinhi sa Tagbilaran.
Gipatuman sa joint team ang warrant of arrest nga gi-issue ni Judge Ric Bastasa, presiding judge, Regional Trial Court, 9th Judical Region, Branch 8, Dipolog City tungod sa krimen nga Homicide.
Gibilanggo karon ang akusado sa Tagbilaran City Police Station samtang P40,000 ang piyansa nga girecommendar sa korte alang sa temporaryong kagawasan niini.