Gitugutan sa balaod nga Bayanihan 2 ang mga taga pribadong sektor nga mopalit ug bakuna batok sa Coronavirus disease (Covid).
Matud pa ni Sen. Pia Cayetano, mamahimo na makapalit ug bakuna gikan sa mga rehistradong pharmaceutical companies. Midugang si Cayetano nga ang pagpalit sa bakuna kinahanglan ang pagpalit pinasubay gyud sa mga gipatuman sa balaod.
Mihatag ug katin-awan si Cayetano sa probisyon sa Bayanihan 2 tungod kay siya ang co-author sa maong nahisgutang balaod.
Dili lang ang kagamhanan ang adunay pagtugot nga mopalit ug bakuna batok sa Covid kay klaro nga gitugutan ang pribadong sektor nga mupalit ug bakuna, dugang pa ni Cayetano.
Nakalatid sa section 12 sa Bayanihan 2 nga mahimo ang mga taga pribadong sektor makapalit ug bakuna.
Ang maong balaod nagmando usab nga ang Food and Drug Administration (FDA) ug ang Health Technology Assessment Council (HTAC) maoy mopatuman sa standards kon unsaon ang pag-apod-apod sa mga bakuna nga gipalit sa mga taga pribadong sektor.Mahimong mapalit ang mga bakuna nga giduso ug girekomendar sa World Health Organization ug sa ubang international health organizations.