Matud pa sa Bureau of Investigation (BI) nga 79% ang pagkunhod sa international arrivals dinhi sa nasud, ug epekto kini sa pandemya sa Coronavirus disease (Covid), matud pa sa mga taho.
Ang datos nagpakita nga 3.5 milyon ka mga pasahero gikan sa gawas sa nasud ang misulod gikan sa Enero 2020 hangtud sa Dis. 25, 2020.
Niadtong 2019, mokabat ug 16.7 milyon ka mga pasahero ang miabot dinhi sa Pilipinas gikan sa Enero 2019 hangtud sa Dis. 25, 2019, sumala sa mga datos.
2.03 milyon sa mga pasahero nga miabot dinhi gikan sa gawas nga tanan kanila mga Pilipino ug 1.54 milyon ang mga langyaw.
Wala ikatingala ni BI commissioner Jaime Morente ang pagkunhod kay ang tibuok kalibutan naapektohan gayud sa Covid.
Niadtong Marso 2020, nagpatuman ug travel ban ang kagamhanan aron mapugnan ang pagkuyanap sa virus nga naggikan sa dakbayan sa Wuhan didto sa nasud sa China.